Windroid

تحديث ريدستون او ما يعرف بـ anniversary update . ------------------------- حالياً مايكروسوفت بتطور في التحديث ده وبتنزل منه إصدارات تجريبية للانسايدرز، ودا نفس اللى حصل مع ويندوز 10 الرسمي لما بدأوا ينزلوا بيلدات تجريبية للانسايدرز يعني تقدر تقول مايكروسوفت بتطور النظام معاك وبتشوف رأيك ومقترحاتك في النسخ علشان تعمل بيها وتنزلها في النهائية، النسخة الرسمية الحالية اسم الفرع بتاعها Treshold 2 واختصارتة TH2 ودا انتهى تطويرة بنزول النسخة الرسمية للمستخدمين وحالياً بينزلة تحديثات تراكمية لتحسين ادائة، اما ريدستون دا لسه مخلصش ومايكروسوفت حالياً شغاله عليه ودا هيكون الفرع التانى واسمة Redstone1 واختصارتة Rs1 ومن المفترض انه ينزل في الصيف شهر 7 . من ضمن مميزات تحديث ريدستون: -هتقدر تعرف اخر التطبيقات والألعاب اللى تم تحديثها لان حالياً مفيش اشعارات بتنبهك ان في تطبيقات اتحدثت . -إمكانية الاتصال او استقبال المكالمات علي موبايلك بأستخدام الكمبيوتر المتصل بنفس مايكروسوفت اكاونت او المتصل بـالـ Continuum . -إضافة ميزة Notifications in cloud بمعنى ان الاشعارات اللى بتظهرلك في الاكشن سينتر هيتعمله

ايه رأيكم في سياسة مايكروسوفت في ارسال تحديثات لهواتفها شهرياً ؟ دا هيكون سؤالنا في استطلاع انهاردة! ويندوز 10 موبايل لما نزل في شهر مارس اللى فات كان تقريباً غير مكتمل بنسبة 100% وكان فيه مشاكل كتير واولها مشكلة استنزاف البطارية بشكل سريع، ساعتها لما نزل الويندوز الجديد "gabe aul" قال ساعتها ان التحديثات التراكمية هتكون هي المفتاح لتحسين أداء الويندوز بشكل عام . للناس اللى متعرفش .. مايكروسوفت كانت بتتبع نفس النظام دا في التحديثات الشهرية من زمان بس مع الويندوز الخاص بالاجهزة المكتبية ومع ويندوز 10 قررت تتبع النظام دا مع كل الأجهزة سواء فون او كمبيوتر. مايكروسوفت بتسمع بشدة لآراء المستخدمين من خلال تطبيق windows feedback و feedback hub ومش بس ارائهم دا كمان بيتابعوا المشاكل اللى بيتم رفعها علي التطبيقين من المستخدمين علشان يتم النظر فيها ويحلوها في التحديثات التراكمية اللى بتنزل كل شهر وعلشان كده انا بقولكم أي مشكلة تواجهك او أي ميزة عايزها نزلها علي طول كفيدباك لان انت لما يكون عندك شركة بتسمع لكلامك ووجهة نظرك احسن من شركات تانية بتذلك علشان تحديث واحد وفي الآخر لو معجبكش

في مصطلحات لازم نعرفها لان في ناس كتير متعرفهاش واكتر من واحد يسألني مثلا يقولي يعني ايه يونيفيرسال؟ -نبدأ بيونيفيرسال: اكيد مش الغسالة  😂 تطبيق او لعبة يونيفيرسال معناه ان التطبيق ده او اللعبه دي نازله لويندوز 10 سواء موبايل او كمبيوتر او تابلت، ودي تعتبر منصة جديدة عملتها مايكروسوفت علشان تدعم بيها نظامها اللي هو ويندوز 10، اختصارتها UWP يعني Universal Windows Platform. ومش تحت شرط التطبيق ينزل لكل المنصات مرة واحدة يعني ممكن المطور ينزله للكمبيوتر الاول وبعديها بفترة ينزله للموبايل زي ما بيحصل معانا حالياً من شركة فيسبوك  😂 ، وممكن العكس ينزل الاول للموبايل وفيما بعد للبي سي و لو كان مطور ابن ناس ممكن ينزل التطبيق لكل المنصات في يوم واحد  😀 ---------------------------- -في اصطلاحات تانية بنشوفها في تحديثات التطبيقات والالعاب يقولك مثلا Twitter snags a minor update المقصود ب minor update دي يعني تحديث صغير مفهوش إضافة مميزات وان كان بيكون فيه اصلاحات للمشاكل و تحسين أداء التطبيق. وساعات بنشوف مثلا يقولك instagram receive a major update المقصود ب major update هنا يعني تحديث كبير او

فاكرين بوست الفيدباك اللي وعدناكم بيه؟ اليومين اللي فاتوا قدرنا نترجم كل مقترحاتكم ومشاكلكم اللي كتبتوها في البوست ورفعناها علي تطبيق Feedback Hub ومفضلش غير خطوة واحدة وهي مهمتكم انتوا، احنا عملنا اللي علينا ورفعنا الفيدباك مفيش غير انكم تدخلوا علي كل لينك فيدباك تعملوا تصويت upvote عليه. ودي كل الفيدباكس: هتاخد كل لينك من دول كوبي وتحطه في المتصفح هيفتحلك تطبيق Feedback Hub وتعمل upvote علي الفيدباك. 1) feedback-hub:?contextid=299&feedbackid=95f6544b-dc21-4598-97b1-1107b37ec0e0&form=2&src=2 2) feedback-hub:?contextid=290&feedbackid=5cc9eb16-d85f-4fb4-bc6a-37478b4e8e19&form=2&src=2 3) feedback-hub:?contextid=98&feedbackid=6670f497-8270-4c1b-823a-52cd16c7c5d5&form=2&src=2 4) feedback-hub:?contextid=2&feedbackid=bea02ce3-653f-4b27-afe6-d8433cafc1f3&form=2&src=2 5) feedback-hub:?contextid=6&feedbackid=56a28133-67df-40c6-945c-813b9901a670&form=2&src=2 6) feedback-hub:?contextid=401&feedbackid=13d5f815-426c-4860-ac54-00e5cfda9

في حاجات محتاجين نوضحها مع بعض بخصوص مايكروسوفت. -اولا نظام ويندوز 10 موبايل تم تطويرة في سنه مش 3 سنين. -مايكروسوفت بتستمع لاقتراحات المستخدمين من خلال تطبيق Windows feedback وتقريبا النظام اغلبه اتعمل بناءاً علي اقتراحات المستخدمين، ومازال بيتم إضافة مميزات وتعديل بعض الأشياء في الويندوز بناءاً علي الاقتراحات دي واخرها كانت في اخر بيلد تجريبية واللي كان فيها ميزة السحب من اليمين للشمال او العكس للتنقل بين صفحات الويب في متصفح مايكروسوفت ايدج. -مفيش غير شركتين هما اللي بينزلوا تحديثات باستمرار شهرياً لانظمتهم وهم مايكروسوفت وابل. وبستغرب بصراحة لما اشوف واحد بيقول ايه التحديثات الكتيرة دي؟ لا ويكمل يقولك ان كل تحديث بينزل بيبوظ اللي قبله! مش هننكر ان ممكن تحديث ينزل يكون فيه مشكلة لكن نبص للجانب الايجابي في الموضوع وهو ان الشركة بتديلك دعم مستمر من خلال التحديثات التراكمية اللي بتنزل كل شهر، وكل تحديث بينزل بيكون فيه مجموعة من الإصلاحات لبعض المشاكل وتحسين الأداء للويندوز بشكل عام زي مثلا تحسين أداء البطارية ومايكروسوفت ايدج... الخ انا معايا موبايل هواوي G8 شغال بنظام أندرويد لولي بوب

الناس اللى منزلة البيلدات التجريبية من تحديث ريدستون اللى هو الفرع اللى حالياً في مرحلة التطوير rs1 وعايز يرجع للنسخة الرسمية اللى هو الفرع الحالي TH2 هيتبع الخطوات الآتية : (الموضوع حصرى واللى عايز ينقلة ياريت يذكر اسم الصفحة ع الأقل) 1- اول حاجه هتدخل علي الاعدادات وتكتب في السيرش Backup options و هتاخد نسخة احتياطية من بياناتك back up now والخطوة دى مهمة لان كل بياناتك والداتا اللى موجودة علي الموبايل هتروح ويفضل تاخد نسخة احتياطية منها هي والصور . 2- هنحمل علي الكمبيوتر أداة windows device recovery tool من هنا http://is.gd/wcgv1y  وهتسطبها عادى وهتوصل موبايلك بالكمبيوتر وهتشغل الأداة . 3- اختار جهازك وهيظهرلك survey سيبك منها واختار continue without submitting . 4- الخطوة اللى بعدها هيحذرك ان كل حاجه هتتمسح من الجهاز ويفضل تاخد نسخة احتياطية من كل حاجه علي جهازك وهتدوس continue وهيبدأ السوفتوير ينزل من الانترنت (حوالي 3 جيجا وطبعاً التحميل هيختلف علي حسب سرعة الانترنت عند كل واحد) 5- لو حصلت مشكلة وموبايلك مظهرش علي الأداة أصلا لما وصلتة بالكمبيوتر اعمل الآتى: دوس علي my device was

ايه الفرق بين minor update و major update ؟ لما بيكون في تحديث جديد نازل سواء للتطبيقات او للالعاب او للسوفتوير بنلاقي مثلا الخبر مكتوب بالصيغه دي Facebook for Windows 10 snags a minor update يعني ايه؟  يعني تطبيق الفيس حصل علي تحديث بسيط او صغير والمينور ابديت دايما بيكون فيه اصلاحات للمشاكل الموجودة في التطبيق او النظام.  ولما نلاقي مثلا خبر مكتوب بالصيغه دي groove music snags a major update يعني تطبيق جرووف ميوزك حصل علي تحديث كبير او رائد ودايما الميجور ابديت بيكون فيه كم كبير من التغييرات والمميزات الجديدة اللي بيتم اضافتها للتطبيقات او للالعاب او للنظام. الخلاصة مينور ابديت = تحديث ثانوي او صغير ميجور ابديت = تحديث كبير او رائد

الفرق بين 8.1 و 10 في 61 صورة أي صورة مكتوب عليها no equivalent يبقي مفيش زيها في الويندوز سواء 8.1 او 10 . https://www.facebook.com/Win.MobileEgypt/photos/?tab=album&album_id=1609234742734373

صباح الخير يوم سعيد ان شاء الله علي الجميع  :) الناس متلخبطة من التحديثات والبيلدات اللي بتنزل، ركز معايا علشان تفهم. مايكروسوفت لما بدأت تطوير ويندوز 10 نزلت بيلدات كتييير لغاية ما وصلت عند 10586 ووقفت عند البيلد دي باعتبارها النسخة اللي هتكون نهائية لانها اكتر استقرار وان كان فيها بعض المشاكل البسيطة بس المشاكل دي مايكروسوفت بتحلها بالتحديثات التراكمية اللي بتنزلك من وقت للتاني، يعني لما نقول 10586.164 يبقي 164 دا تحديث تراكمي للنسخة الرسمية من ويندوز 10 اللي هي 10586 والتحديث التراكمي مش بيضيف مميزات للويندوز لكن بيحل المشاكل وبيحسن اداء الويندوز، واخر تحديث تراكمي كان رقمة 218 ومايكروسوفت هتستمر في اصدار التحديثات التراكمية لغاية ما ننتقل للقسم التاني  👇 👇 تحديث ريدستون او anniversary update حالياً بينزل منه بيلدات تجريبية لانه لسه في مرحلة التطوير وبما انه لسه في مرحلة التطوير يبقي انت مش ملزم تنزل حاجه تجريبية الا لو انت مش هامك المشاكل اللي هتواجهك وعايز تجرب المميزات الجديدة اللي بتنزل في كل بيلد. ارقام بيلدات ريدستون هتلاقوها اعلي من القسم الحالي اللي هو 10586 يعني علي سبيل

في ناس كتير بتشوف الرموز دي 4G،H+،3G،E لما بيشغلوا الـ Cellular data او الداتا كونكشن ومبيعرفوش ايه المقصود بيها، هشرحلكم في البوست دا ايه معني الكلام ده ودا لأي حد مش للويندوز فون بس يعني البوست دا موجه حتى لاصحاب الاندرويد والايفون . -------------------------- ----------------- شبكات الاتصالات اللاسلكية عرفت تطورا كبيرا منذ ظهورها الى اليوم ، وخاصة شبكات الاتصال الخاصة بالهاتف النقال التي اصبحت  تنافس بشكل كبير الاتصالات السلكية من ناحية السرعة اساسا . الجيل الثاني 2G أو GPRS هذا الرمز هو اختصار لكلمة General Packet Radio Service ويعمل هذا البروتوكول على مبدأ خدمات حزمة الراديو العامة. وهي طريقة لإرسال البيانات عبر موجات الراديو التي تستخدم حالياً لنقل الصوت. أول جيل من هذه التكنولوجيا كان 1G ، وظهر عام 1981 . سرعة نقل البيانات في هذه التقنية المعتمدة على شبكات الجي اس ام يتراوح بين56 و 114 Kbps . ============ E قد يظهر هذا الرمز في هاتفك إذا كنت لا تزال تستعمل الجيل الثاني من الاتصال ، لكن ربما قد لاحظته قبل سنوات اي ما قبل ظهور الجيل الثالث او ما يعرف ب 3G .هذا الرمز E هو اختصار لE

من ضمن الحاجات اللى تهم المستخدم اللى تم الإعلان عنها في آخر يوم من مؤتمر بيلد 2016 : 1- تم الإعلان عن ميزة جديدة وهى Chaseable Live Tiles ودى المقصود بيها يعنى علي سبيل المثال لو عندك تطبيق الفيس وبلاطة التطبيق جايبالك اشعار مكتوب عليها ان في حد عملك كومنت مثلا او تاج او اى حاجه، بمجرد ما بتدوس علي التطبيق او لما تفتحه يعني، هيفتحلك الكومنت علي طول او التاج بدل ما يفتحلك الصفحه الرئيسية ودا المقصود بالميزة دى . 2- تم الإعلان عن ميزة جديده تانية وهى Richer 'Interactive' Toast notifications وبعض التعديلات المهمه علي الاكشن سينتر، والميزة دى بتضيف تفاصيل اكتر للاشعارات في الاكشن سينتر وصور اكبر وأوضح وكمان الاكشن سينتر هتدعم الـ widgets يعنى هتلاقي مثلا الطقس جيلك علي الاكشن سينتر ولو دوست عليه هيعرضلك التفاصيل بالكامل، وبإمكانك الغاء الاشعارات من اى تطبيق وكله من خلال الاكشن سينتر، مايكروسوفت اهتمت جداً بالاكشن سينتر في التحديث اللى هينزل في الصيف لويندوز 10 وهو Anniversary Update . 3- متصفح مايكروسوفت ايدج هيدعم الاشعارات وهتظهر في الاكشن سينتر زيها زى اى تطبيق . 4- تم الإعلان

ابرز واهم ماجاء في المؤتمر امبارح : مؤتمر Build 2016:حوالي 270 مليون مستخدم لويندوز 10 و تحديث Anniversary Update أعلنت مايكروسوفت رسميا عن وصول عدد الأجهزة التي تعمل بنظام ويندوز 10 إلى 270 مليون مستخدم وهذا بعد 8 أشهر فقط من إطلاق هذا الاصدار من ويندوز. هذا يجعل من ويندوز 10 الأسرع نموا في تاريخ هذه الشركة كيف لا وهو يأتي مجانا وقد بذلت مايكروسوفت جهودا لتوفيره ليس فقط على الحواسيب بل أيضا على المحمول ومنصة الألعاب اكس بوكس. في ذات الوقت أكدت الشركة على أنه تم إطلاق 5000 جهاز يعملون بهذا النظام ما بين هواتف ذكية وحواسيب لوحية وحواسيب محمولة وأيضا حواسيب مصغرة وكبيرة وهذا بالتعاون مع شركائها. من جهة أخرى أعلنت الشركة في مؤتمر Build 2016 المستمر حتى يوم الجمعة، عن التحديث الجديد من ويندوز 10 والذي يأتي باسم Anniversary Update والذي سيتوفر مجانا لكل المستخدمين خلال فصل الصيف. ومن مزايا تحديث Anniversary Update نجد تحسين متصفح مايكروسوفت ايدج ليتيح لك تسجيل الدخول إلى حسابك في المواقع الاجتماعية ومواقع الويب المختلفة من خلال التحقق بوجهك وبدون كلمة مرور، وكل ما أنت بحاجة إليه هو التحقق ب

كنت وعدتكم اني انزل شرح كامل ازاي تبقي مصور محترف بكاميره هاتفك اللوميا .. طبعا قبل اي حاجه انتوا لازم تكونوا فاهمين حاجه ! كاميرات اللوميا بعدسات "كارل سيز" افضل عدسه تصوير في العالم و كنت نزلت تقرير من فتره عن العدسات دي وايه الي بيميزها عن غيرها من العدسات  ---- ازاي تقدر من خلال هاتفك اللوميا تبقي مصور محترف ؟! --- الكاميره كل ما بتكون اعلي بتساعد في التقاط صوره اجمل وخلي بالك بقولك بتساااعد فقط الشغل الباقي بيكون علي المصور بمعني ان ممكن يكون واحد معاه كاميره بروفشنال و مبيعرفش يصور وواحد تاني معاه كاميره عاديه او مثلا هاتف لوميا بس بيقدر ياخد صور كويسه جدا دلوقتي قبل ما اقول ازاي تستخدم الكاميره هقولك علي اخطاء ممكن تكون بترتكبها وانت بتصور . معظم الي بيصوروا بيرتكبوا خطاء من غير قصد وهو انه بيصور الشئ وهو واقف مكانه ، مبيحاولش يتحرك من مكانه يغير زاويه التصوير وده بيخلي الصوره مفهاش اي لمسات فنيه ليك في الصوره دي حاجه فيه كمان ناس بتقع في وهم ان ممكن الموبايل يصور في الاضاءه الضعيفه ! ، نادرا ما يمكنك التقاط صوره جيده في اضاءه ضعيفه من ضمن الاخطاء برده انك تستخدم الزوم

طبعاً اغلب الناس بتشتكى من ويندوز 10 انه بيستهلك كتير من البطاريه دا ان مكانش كل الناس، وطبيعى يكون موضوع البطاريه مهم بالنسبه لكل الناس لان لو واحد معاه لوميا 640 xl اللى بطاريتها بحجم 3000 ملى امبير فمن الطبيعى انها تديني شغل ع الأقل يوم زى ما كان بيحصل مع ويندوز 8.1 بس واضح ان ويندوز 10 لسه مايكروسوفت محلتش مشكلة استهلاك البطاريه لان لسه اغلب الناس بتشتكى ان البطاريه مش بتكمل اليوم وبتخلص بسرعة  ودا طبيعي مشكلة سوفتوير وبتتحل مع التحديثات اللى بتنزلها مايكروسوفت . -بس في 10 طرق هقولكم عليها ممكن من خلالها تحافظ على بطاريتك انها ع الأقل تكمل معاك اليوم : 1- اول حاجه وهى Glance screen ودى من ضمن الأسباب اللى بتاكل في البطاريه وهنحاول نخلي مدتها 30 ثانيه فقط من الاعدادات يعنى بدل ما هتكون always on هنخليها لمدة 30 seconds بس . 2- من ضمن الحاجات اللى بتستهلك من البطاريه برضو هي مزامنة الرسايل SMS sync هندخل علي اعدادات الرسايل وهنخليها off ولما تحتاج تعمل مزامنه هتشغلها تانى . 3- بعد ما تخلص شغل على موبايلك ممكن تنسى التطبيقات مفتوحه في الخلفيه ودا طبعاً بيستهلك جداً من الخلفيه، حاول مت

قولنا من فترة ان مايكروسوفت احتمال كبير تجلب ميزه جديدة فى تحديث ريدستون وهى ميزة الكل منتظرها، الميزة دى اسمها interactive live tiles اى البلاطات التفاعليه . من حوالى سنه فريق مايكروسوفت للابحاث نزل فيديو بيستعرض فكرة البلاطات التفاعليه وهى باختصار ان بلاطة التطبيق بتقدر من خلالها تستخدم التطبيق من غير ما تفتحه، يعنى مثلا ممكن توسع بلاطة الاله الحاسبه وتستخدمها على طول بدل ما تتضطر انك تفتحها . ومايكروسوفت لمحت انها ممكن تعلن عن الميزة دى فى مؤتمر build 2016 يوم 30 مارس و 1 ابريل ان شاء الله . وممكن تشوفوا الفيديو دا علشان تاخدوا فكرة عن الميزة الجميلة دى https://youtu.be/ oEkIbUWzkLU

طريقة مايكروسوفت اللي بتتبعها في عملية التطوير . ________ مايكروسوفت بدأت تطوير ويندوز 10 موبايل في شهر فبراير 2015 وساعتها كانت بتطور برضو في ويندوز 10 للبي سي لغاية لما نزلت بشكل رسمي في اخر شهر 7 وطبعا كان لازم يهتمو بنسخة البي سي الأول لان العالم كله بيستخدم ويندوز اكيد . - مايكروسوفت مقسمة عملية التطوير لأقسام القسم اللي شغالين عليه دلوقتي هو Threshold 2 واختصارته TH2 ودا اللى هيكون التحديث النهائي وزي ما قولت مايكروسوفت بدأت في تطويرة من سنه و نزلت بيلدات كتير لغاية ما وصلت حالياً لبيلد 10586 ودي افضل بيلد وصلولها من خلال البيلدات دي كلها وبالفعل وقفو عندها وبدأو ينزلو تحديثات cumulative او تراكمية للبيلد دي اللي هما 11 و 29 و 36 و 63 و 71 وأخيرا انهارده نزلت 107 واحتمال كبير متكنش الأخيرة، المقصود بالتحديثات التراكمية هي التحديثات اللى بتحسن من أداء واستقرار النسخة وحل بعض المشاكل الموجودة فيها وبمجرد ما بتنزل تحديث منهم بيغنيك عن تنزيل اللى قبله علشان كده اسمه تراكمي، ومايكروسوفت هتفضل تنزل تحديثات تراكمية لغاية ما الويندوز يبقي خالي من المشاكل وساعتها هينزل رسمي اللى ف نظري قر