طريقة الرجوع لويندز 10 من الريدستون التجريبي لويندوز 10 الرسمي

الناس اللى منزلة البيلدات التجريبية من تحديث ريدستون اللى هو الفرع اللى حالياً في مرحلة التطوير rs1 وعايز يرجع للنسخة الرسمية اللى هو الفرع الحالي TH2 هيتبع الخطوات الآتية : (الموضوع حصرى واللى عايز ينقلة ياريت يذكر اسم الصفحة ع الأقل)

1- اول حاجه هتدخل علي الاعدادات وتكتب في السيرش Backup options و هتاخد نسخة احتياطية من بياناتك back up now والخطوة دى مهمة لان كل بياناتك والداتا اللى موجودة علي الموبايل هتروح ويفضل تاخد نسخة احتياطية منها هي والصور .

2- هنحمل علي الكمبيوتر أداة windows device recovery tool من هناhttp://is.gd/wcgv1y وهتسطبها عادى وهتوصل موبايلك بالكمبيوتر وهتشغل الأداة .

3- اختار جهازك وهيظهرلك survey سيبك منها واختار continue without submitting .

4- الخطوة اللى بعدها هيحذرك ان كل حاجه هتتمسح من الجهاز ويفضل تاخد نسخة احتياطية من كل حاجه علي جهازك وهتدوس continue وهيبدأ السوفتوير ينزل من الانترنت (حوالي 3 جيجا وطبعاً التحميل هيختلف علي حسب سرعة الانترنت عند كل واحد)

5- لو حصلت مشكلة وموبايلك مظهرش علي الأداة أصلا لما وصلتة بالكمبيوتر اعمل الآتى:
دوس علي my device was not detected وبعدين هتختار Lumia وهتعمل زي ما بيقولك بالظبط في الأداة اللى هو هتعمل إعادة تشغيل للموبايل من خلال الضغط علي زرار الباور مع زرار خفض الصوت لغاية ما الموبايل يعمل فايبريشن وبعد ما يعمل ريستارت هيظهر ان شاء الله علي الأداة .

6- بعد ما يظهر موبايلك علي الأداة هنضغط علي install software وبعد كده هيظهر علي شاشة الموبايل شاشة حمرا وهيبدأ عملية التفليش (في الخطوة دى اياك تشيل الكابل اللى موصل بيه الموبايل بالجهاز لان لو عملت كده موبايلك هيبوظ)
-------------------------------------------

ملاحظات:

- بعد ما بترجع للنسخة الرسمية بتحتاج ترجع النسخة الاحتياطية اللى اخدتها في النسخة التجريبية بس مش كل حاجه هتشتغل لان ممكن يجيلك رسالة خطأ لان في اختلافات كتير بين ويندوز 10 الرسمي والتحديث بتاعه ريدستون1 .

- بعد ما بتعمل استرجاع للنسخة الاحتياطية هتلاقي التطبيقات علي قائمة ستارت بلون باهت وهتلاقي في ال app list تطبيقات مكتوب تحتها pending، متقلقش التطبيقات دى محتاجة واي فاي علشان تنزل والتطبيقات دى هي اللى انت عملتلها نسخ احتياطي وبتحتاج تنزل من الانترنت لا اكتر ولا اقل .

كل شيء موضح بالصور اسفل الموضوع

https://www.facebook.com/Win.MobileEgypt/posts/1613469815644199