10 طرق تحافظ علي بطاريتك

طبعاً اغلب الناس بتشتكى من ويندوز 10 انه بيستهلك كتير من البطاريه دا ان مكانش كل الناس، وطبيعى يكون موضوع البطاريه مهم بالنسبه لكل الناس لان لو واحد معاه لوميا 640 xl اللى بطاريتها بحجم 3000 ملى امبير فمن الطبيعى انها تديني شغل ع الأقل يوم زى ما كان بيحصل مع ويندوز 8.1 بس واضح ان ويندوز 10 لسه مايكروسوفت محلتش مشكلة استهلاك البطاريه لان لسه اغلب الناس بتشتكى ان البطاريه مش بتكمل اليوم وبتخلص بسرعة ودا طبيعي مشكلة سوفتوير وبتتحل مع التحديثات اللى بتنزلها مايكروسوفت .

-بس في 10 طرق هقولكم عليها ممكن من خلالها تحافظ على بطاريتك انها ع الأقل تكمل معاك اليوم :

1- اول حاجه وهى Glance screen ودى من ضمن الأسباب اللى بتاكل في البطاريه وهنحاول نخلي مدتها 30 ثانيه فقط من الاعدادات يعنى بدل ما هتكون always on هنخليها لمدة 30 seconds بس .

2- من ضمن الحاجات اللى بتستهلك من البطاريه برضو هي مزامنة الرسايل SMS sync هندخل علي اعدادات الرسايل وهنخليها off ولما تحتاج تعمل مزامنه هتشغلها تانى .

3- بعد ما تخلص شغل على موبايلك ممكن تنسى التطبيقات مفتوحه في الخلفيه ودا طبعاً بيستهلك جداً من الخلفيه، حاول متنساش واقفلهم اول بأول حتى وانت شغال علي موبايلك اقفل التطبيقات اللى مش محتاجها علشان متستهلكش في الخلفيه .

4- ادخل علي الاعدادات > System ثم Battery saver ثم Battery use ومنها هتختار Change background app settings وهنا هتقدر تختار التطبيقات اللى تشتغل في الخلفية حتى لو الشاشه مقفوله وهتقفل التطبيقات اللى انت مش عايزها تشتغل في الخلفيه، يعني على حسب استخدامك شوف ايه التطبيقات اللى مش بتستخدمها كتير وامنعها من العمل في الخلفيه .

5- ادخل علي الاعدادات > System ثم Battery saver ومنها هتختار Battery saver settings وبعدين هتعلم صح علي كلمة 'turn battery saver on automatically if battery falls below وهتحدد ال battery saver يشتغل عند كام ف الميه، ولما بيشتغل ال battery saver ساعتها مش بتستقبل أي اشعارات يعني لازم تدخل علي التطبيق علشان تشوف الاشعارات وفي المقابل بيزود عمر البطاريه .

6- اختار الثيم الأسود للويندوز وابعد عن الأبيض لانه بيستهلك اكتر طبعاً .

7- لو موبايلك بيدعم الـ NFC اقفله ومتسيبهوش مفتوح وكذلك البلوتوث والـ Internet sharing والـ cellular data و 'Mobile hotspot متسيبهمش مفتوحين علي طول، وبرضو الـ Wi-fi لو انت مش محتاجه اقفله ومتسيبهوش شغال و الـ location برضو اقفله لو مش محتاجه لانه بيستهلك .

8- لو انت فاتح tabs كتير في متصفح مايكروسوفت ايدج حاول تقفلهم اول بأول لان دا بيسبب reloading بأستمرار وبالتالي استهلاك اكتر للبطاريه ف حاول تخلى بالك من الحته دى .

9- ادخل علي اعدادات الشاشه وخلى الخيار دا automatically adjust display brightness على on علشان سطوع الشاشه يتحكم فيها الويندوز على حسب الاستهلاك والمكان اللى انت فيه، وهتقلل بالمؤشر درجة السطوع برضو علشان متستهلكش كتير من البطاريه لان اكتر حاجه بتستهلك من البطاريه هي سطوع الشاشه .

10- الطريقه الاخيره والمهمه وهي انك هتدخل على تطبيق الـ Outlook email و هنختار Manage accounts ومن خلالها هتدوس على 'Change mailbox sync settings' وهنخلى اول خيار اللى هو download new email على every 15 minutes وبعدين هتضغط على done .

ولو انت عملت كل ده ولسه بطاريتك بتخلص بسرعه جرب اعمل ضبط مصنع وانا بنصح اى حد كان بيستخدم 8.1 من فتره كبيره ومعملش ضبط مصنع و حدث لويندوز 10 الرسميه انه يعمل ضبط مصنع لانه بيحل مشاكل كتير، وحاول بقدر الإمكان لما تشحن موبايلك اشحنة لغاية 100% مش اقل من كده ومتستخدمهوش اثناء الشحن، والشحن يكون بالشاحن الاصلى اللى جى مع الجهاز ومتحاولش تستخدم شاحن 2 امبير علشان تشحن ف ساعتين وحد قالك ان الشاحن بتاعك 1 امبير بس ف هيشحن ف تلت ساعات لا متعملش كده لان انت لما تستخدم شاحن اسرع من اللى جى من الشركة دا بيأثر علي بوردة الجهاز وبالتالي ممكن تحصل مشاكل انت في غنى عنها .