مؤتمر بيلد 2016
من ضمن الحاجات اللى تهم المستخدم اللى تم الإعلان عنها في آخر يوم من مؤتمر بيلد 2016 :
1- تم الإعلان عن ميزة جديدة وهى Chaseable Live Tiles ودى المقصود بيها يعنى علي سبيل المثال لو عندك تطبيق الفيس وبلاطة التطبيق جايبالك اشعار مكتوب عليها ان في حد عملك كومنت مثلا او تاج او اى حاجه، بمجرد ما بتدوس علي التطبيق او لما تفتحه يعني، هيفتحلك الكومنت علي طول او التاج بدل ما يفتحلك الصفحه الرئيسية ودا المقصود بالميزة دى .
2- تم الإعلان عن ميزة جديده تانية وهى Richer 'Interactive' Toast notifications وبعض التعديلات المهمه علي الاكشن سينتر، والميزة دى بتضيف تفاصيل اكتر للاشعارات في الاكشن سينتر وصور اكبر وأوضح وكمان الاكشن سينتر هتدعم الـ widgets يعنى هتلاقي مثلا الطقس جيلك علي الاكشن سينتر ولو دوست عليه هيعرضلك التفاصيل بالكامل، وبإمكانك الغاء الاشعارات من اى تطبيق وكله من خلال الاكشن سينتر، مايكروسوفت اهتمت جداً بالاكشن سينتر في التحديث اللى هينزل في الصيف لويندوز 10 وهو Anniversary Update .
3- متصفح مايكروسوفت ايدج هيدعم الاشعارات وهتظهر في الاكشن سينتر زيها زى اى تطبيق .
4- تم الإعلان برضو عن ميزة جميلة وهى notification syncing ومعناها مزامنة الاشعارات والمقصود بيها انك هتقدر تتحكم في الاشعارات بتاعتك على اى جهاز حتى لو جهاز كومبيوتر من خلال انك بتعمل مزامنة، حتى الميزة دى مدعومة للاندرويد برضو مش بس للويندوز فون يعني لو معاك اى موبايل وعايز ترد علي مكالمه او رسالة ماسنجر او واتس او اى حاجه ممكن تعملها من الكومبيوتر بتاعك علي ويندوز 10 وكله طبعاً هيكون في الاكشن سينتر ودا بيبين مدى اهتمام مايكروسوفت بتطوير الاكشن سينتر .
ايه رأيكم في المميزات الجديدة اللى هتنزل في Anniversary Update واى ميزة منتظرها اكتر ؟
Comments
Post a Comment