ريدستون ( anniversary update )

تحديث ريدستون او ما يعرف بـ anniversary update .
-------------------------

حالياً مايكروسوفت بتطور في التحديث ده وبتنزل منه إصدارات تجريبية للانسايدرز، ودا نفس اللى حصل مع ويندوز 10 الرسمي لما بدأوا ينزلوا بيلدات تجريبية للانسايدرز يعني تقدر تقول مايكروسوفت بتطور النظام معاك وبتشوف رأيك ومقترحاتك في النسخ علشان تعمل بيها وتنزلها في النهائية، النسخة الرسمية الحالية اسم الفرع بتاعها Treshold 2 واختصارتة TH2 ودا انتهى تطويرة بنزول النسخة الرسمية للمستخدمين وحالياً بينزلة تحديثات تراكمية لتحسين ادائة، اما ريدستون دا لسه مخلصش ومايكروسوفت حالياً شغاله عليه ودا هيكون الفرع التانى واسمة Redstone1 واختصارتة Rs1 ومن المفترض انه ينزل في الصيف شهر 7 .

من ضمن مميزات تحديث ريدستون:

-هتقدر تعرف اخر التطبيقات والألعاب اللى تم تحديثها لان حالياً مفيش اشعارات بتنبهك ان في تطبيقات اتحدثت .
-إمكانية الاتصال او استقبال المكالمات علي موبايلك بأستخدام الكمبيوتر المتصل بنفس مايكروسوفت اكاونت او المتصل بـالـ Continuum .
-إضافة ميزة Notifications in cloud بمعنى ان الاشعارات اللى بتظهرلك في الاكشن سينتر هيتعملها مزامنة بحيث انها تكون اشعارات سحابية وتقدر تستخدمها علي أي جهاز كمبيوتر شغال بويندوز 10 حتى الناس اللى معاها اندرويد برضو، يعني ممكن تعمل مزامنة للاشعارات وتكمل علي الكمبيوتر والعكس .

دي مش كل المميزات طبعاً وهكمل الباقي في البوستات الجاية علي هاشتاج‫#‏ريدستون1‬ وطبعاً لسه هيتم إضافة مميزات تانية كتير بما ان التحديث لسه في مرحلة التطوير من مايكروسوفت .