صور مسربه توضح مزايا جديدة قادمة لريدستون 2

السلام عليكم

مايكروسوفت حالياً بتطور التحديث الكبير التاني لنظام ويندوز 10 موبايل وهو ريدستون 2 وبتشارك المستخدمين بنسخ تجريبية منه، وخلال الاسابيع اللى فاتت مايكروسوفت منزلتش اي ميزات جديدة لانها كانت شغاله علي تحسين البنيه التحتيه للنظام ويبدو ان ميعاد ظهور الميزات الجديدة قرب واحتمال نشوفها في البيلد الجاية 14941.

انهارده ظهرت صور جديدة علي موقع ايطالي بتسرب بعض المزايا الجديدة اللى هتكون موجوده في ريدستون 2:

-تم تغيير اسم mobile update لـ windows update

-ايقونه جديدة للويندوز ابديت هتظهر عند اكتمال تحديث النظام او طلب اعادة التشغيل

-ويندوز ابديت هيظهر في قائمة التطبيقات اللى بتستقبل اشعارات

-اضافة خيارات جديدة في قائمة الترقية

ومن المحتمل نشوف الميزات دي خلال البيلد الجايه الاسبوع القادم اللي هتكون موجهه للانسايدرز

 علي الحلقة السريعة.

#Godaa