حصرياً طريقة الاحتفاظ بملفات الداتا للتطبيقات والألعاب
السلام عليكم
بيحصل دايماً ان احنا بنّزل العاب وبتحتاج تحميل ملفات اضافية من الانترنت، علي سبيل المثال لعبة اسفلت 8
لما بتنزلها من المتجر حجمها 85 ميجا ولما بتشغلها بيبدأ يحمل ملفات اضافيه حوالي 676 ميجا زي الصورة كدة
واحياناً بنضطر نعمل ضبط مصنع لسبب ما و كل الحاجات اللى نزلتها بتروح، لكن الطريقة دى هتقدر من خلالها انك تحتفظ بالملفات الاضافية اللى نزلتها من الانترنت علشان تقدر ترجعها في اى وقت حتي لو اللعبة اتمسحت من عندك.
نبدأ الطريقة
اول حاجة هنحمل الملف المضغوط ده وهنفك ضغطة
بعد ما نفك ضغطهم هننقلهم علي كارت الميمورى في موبايلك
هيكونوا بالشكل ده
هندخل علي WPsystem وهيكون بالشكل ده
الملفات اللى مكتوبه بارقام وحروف دي ملفات العاب وتطبيقات خدها عندك احفظها في اي مكان ولو حتي علي كمبيوتر
ولو دخلنا علي Local هيظهر قدامك ملف بأسم package دا برضو فيه العاب وتطبيقات
زي ما انتو شايفين دي كلها ملفات العاب وتطبيقات جوه فولدر packages اعملهم نسخ علي اي حاجه عندك علشان
لما تمسح اي حاجة تنزلهم تاني علي طول.
وبعد ما بتمسح اللعبة او لما بتعمل ضبط مصنع بتدخل علي WPsystem وبتمسح الفولدر وتحط اللى كنت محتفظ بيه
بس لازم الاول تنزل اللعبه او التطبيق من المتجر يعني مثلا هتنزل الاول لعبة اسفلت 8 مساحتها 85 ميجا وبعدين هتعمل الطريقة دى اللى هي تنسخ ملفاتها عندك في السيستم علشان تتجنب من تنزيل 600 ميجا من الانترنت كل مره.
بعد كدة هتشغل اللعبة هتعمل كراش، رستر الفون هتشتغل عادى.
وفي المثال اللى فوق هنلاقي الفولدر اللى اوله 3A9E هو دا الخاص بلعبة اسفلت 8 وكل لعبة وتطبيق بيكون ليهم فولدر
وانت بتحفظهم عندك.
ولو عايز تعرف الفولدر ده بتاع لعبة ايه او تطبيق ايه بالظبط بتدخل علي المتجر وبتعمل شير للعبة او التطبيق وبتختار الشير يكون علي الرسايل هيجبلك اسم الفولدر اللى مكتوب بالحروف والارقام بس الطريقة دى شغاله علي 8.1 لكن لما بتعملها علي ويندوز 10 بيجبلك لينك التطبيق او اللعبة علي المتجر فقط عموماً الطريقة شغاله علي الاتنين لكن علي 8.1 بتحتاج انلوك
اما 10 من غير انلوك.
دمتم سالمين
#Godaa
#Ahmed
Comments
Post a Comment