مايكروسوفت تقتل العلامة التجارية لوميا
السلام عليكم
الايام والاسابيع اللي فاتت كتر الكلام عن العلامة التجارية لوميا وكان في اخبار بتقول ان مايكروسوفت بتحاول تتخلص من كل هواتف لوميا في متاجرها من خلال العروض اللي بتتعمل علي لوميا ٩٥٠ ولوميا ٩٥٠ اكس ال و لوميا ٦٥٠، وقولنا قبل كده في اخبار سابقة ان لوميا ٦٥٠ هيكون اخر جهاز ينزل باسم العلامة التجارية لوميا.
مع نهاية شهر ديسمبر او بداية السنة الجديدة مايكروسوفت هتكون خلصت من اللوميا وهتبطل تبيعها، هل دا معناه نهاية الويندوز فون؟
لا طبعاً لان احنا هنا بنتكلم علي هاردوير مش سوفتوير، السوفتوير موجود وهو ويندوز ١٠ موبايل ومازال دعمه شغال وتحديثات شهرية و تحديثات كبيرة بتنزله زي ريدستون١ و اللي لسه هينزل ريدستون٢.
اما الهاردوير اللي هو اجهزة اللوميا محققتش النجاح اللي عايزاه مايكروسوفت، هو في الحقيقة علامة لوميا التجارية هي خاصة بشركة نوكيا قبل ما تستحوذ عليها مايكروسوفت وعايزين يتخلصوا منها علشان يعملوا حاجة خاصة بيهم.
مايكروسوفت قالت قبل كده علي لسان رئيس قسم الاجهزة ان الشركة حالياً شغالة علي الجيل الجديد وقال كده بسبب ان مايكروسوفت منزلتش اي حاجة في ٢٠١٦ غير ٥٥٠ و ٦٥٠ ودا خلي الناس تسأل هل دا معناه انهم مش هينزلوا حاجة تاني؟
هينزلوا حاجة غير معلن عنها حتي الان وكترت الاشاعات عنها وهي السيرفس فون بس ده هيكون موجه لانهي فئة بالظبط؟
الجهاز ممكن يجي بتلت نسخ مختلفة من حيث المساحة التخزينية، ومايكروسفت مع قتل خط انتاج اللوميا بقت تستهدف سوق الشركات والبيزنس اكتر من المستهلك يعني الجهاز هيكون فلاجشيب زي hp elite x3 وزي اجهزة السيرفس برو.
هل ده معناه ان اي حد معاه لوميا دعمه هينتهي ومش هيستقبل تحديثات؟
لا طبعا زي ما قولت فوق ان دي حاجه خاصه بالهاردوير مش السوفتوير يعني انت هينزلك تحديثات عادي جدا لان النظام واحد وهو ويندوز ١٠ اما الاختلاف هيكون في الاجهزة يعني انت مثلا معاك لوميا ٩٥٠ عليه ريدستون٢ في غيرك هيكون معاه مثلا سيرفس فون بريدستون٢ برضو يعني اختلف الهاردوير لكن السوفتوير واحد وباقي.
محدش بقي يضحك عليكم ويقولكم مايكروسوفت هتلغي الدعم عن لوميا لان دا كلام خاطئ تماماً، كل اللي هيحصل ان الشركة هتتخذ سياسة جديدة بأجهزة جديدة مستهدفة بيها سوق الشركات والبيزنس زي مثلا شركة ابل مع الايفون بتلاقي جهاز الايفون مع المستهلك ومع البيزنس وفي قطاع الشركات كمان يعني حاجه كده بريميم تنفع لكل الفئات.
دمتم سالمين
#Godaa
الايام والاسابيع اللي فاتت كتر الكلام عن العلامة التجارية لوميا وكان في اخبار بتقول ان مايكروسوفت بتحاول تتخلص من كل هواتف لوميا في متاجرها من خلال العروض اللي بتتعمل علي لوميا ٩٥٠ ولوميا ٩٥٠ اكس ال و لوميا ٦٥٠، وقولنا قبل كده في اخبار سابقة ان لوميا ٦٥٠ هيكون اخر جهاز ينزل باسم العلامة التجارية لوميا.
مع نهاية شهر ديسمبر او بداية السنة الجديدة مايكروسوفت هتكون خلصت من اللوميا وهتبطل تبيعها، هل دا معناه نهاية الويندوز فون؟
لا طبعاً لان احنا هنا بنتكلم علي هاردوير مش سوفتوير، السوفتوير موجود وهو ويندوز ١٠ موبايل ومازال دعمه شغال وتحديثات شهرية و تحديثات كبيرة بتنزله زي ريدستون١ و اللي لسه هينزل ريدستون٢.
اما الهاردوير اللي هو اجهزة اللوميا محققتش النجاح اللي عايزاه مايكروسوفت، هو في الحقيقة علامة لوميا التجارية هي خاصة بشركة نوكيا قبل ما تستحوذ عليها مايكروسوفت وعايزين يتخلصوا منها علشان يعملوا حاجة خاصة بيهم.
مايكروسوفت قالت قبل كده علي لسان رئيس قسم الاجهزة ان الشركة حالياً شغالة علي الجيل الجديد وقال كده بسبب ان مايكروسوفت منزلتش اي حاجة في ٢٠١٦ غير ٥٥٠ و ٦٥٠ ودا خلي الناس تسأل هل دا معناه انهم مش هينزلوا حاجة تاني؟
هينزلوا حاجة غير معلن عنها حتي الان وكترت الاشاعات عنها وهي السيرفس فون بس ده هيكون موجه لانهي فئة بالظبط؟
الجهاز ممكن يجي بتلت نسخ مختلفة من حيث المساحة التخزينية، ومايكروسفت مع قتل خط انتاج اللوميا بقت تستهدف سوق الشركات والبيزنس اكتر من المستهلك يعني الجهاز هيكون فلاجشيب زي hp elite x3 وزي اجهزة السيرفس برو.
هل ده معناه ان اي حد معاه لوميا دعمه هينتهي ومش هيستقبل تحديثات؟
لا طبعا زي ما قولت فوق ان دي حاجه خاصه بالهاردوير مش السوفتوير يعني انت هينزلك تحديثات عادي جدا لان النظام واحد وهو ويندوز ١٠ اما الاختلاف هيكون في الاجهزة يعني انت مثلا معاك لوميا ٩٥٠ عليه ريدستون٢ في غيرك هيكون معاه مثلا سيرفس فون بريدستون٢ برضو يعني اختلف الهاردوير لكن السوفتوير واحد وباقي.
محدش بقي يضحك عليكم ويقولكم مايكروسوفت هتلغي الدعم عن لوميا لان دا كلام خاطئ تماماً، كل اللي هيحصل ان الشركة هتتخذ سياسة جديدة بأجهزة جديدة مستهدفة بيها سوق الشركات والبيزنس زي مثلا شركة ابل مع الايفون بتلاقي جهاز الايفون مع المستهلك ومع البيزنس وفي قطاع الشركات كمان يعني حاجه كده بريميم تنفع لكل الفئات.
دمتم سالمين
#Godaa
Comments
Post a Comment